Telephone:
+94779456435

Email:
editor.todaynewslk@gmial.com

ඉරානයට අලුත් නායකයෙක්! සුන්බුන් අතරින් හමුවූ කමේනිගේ දේහය!

9 months ago

අමෙරිකාව සහ ඊශ්‍රායලය එක්ව එල්ල කළ ප්‍රහාරවලින් ඉරානයේ උත්තරීතර නායක අයතුල්ලා අලි කමේනි ජීවිතක්ෂයට පත්වීමෙන් පසුව, එම ධුරයේ වගකීම් සඳහා නව නායකයෙකු පත් කිරීමට ඉරාන බලධාරීන් පියවර ගෙන තිබේ. ඒ අනුව, ඉරානයේ නව කවුන්සිල ප්‍රධානියා ලෙස ෂියා මූලධර්මවාදී නායකයෙකු වන අලිරේසා අරාෆි පත් කර ඇති බව විදෙස් මාධ්‍ය වාර්තා කරයි.

මෙම නව පාලක කවුන්සිලය සඳහා ඉරාන ජනාධිපති මසූඩ් පෙෂෙස්කියන් ඇතුළු ඉහළ පෙළේ නායකයින් පිරිසක් ඇතුළත් කර ඇති බව සඳහන් වේ. අයතුල්ලා අලි කමේනිගේ අභාවයත් සමඟ ඇති වූ දේශපාලන රික්තය පිරවීම සහ රටේ ඉදිරි පාලන කටයුතු ස්ථාවරව පවත්වාගෙන යාම මෙම නව පත්වීම්වල ප්‍රධාන අරමුණ වී තිබේ.

ඉරාන මාධ්‍ය වාර්තාවලට අනුව, උත්තරීතර නායක අයතුල්ලා අලි කමේනි ජීවිතක්ෂයට පත්ව ඇත්තේ ටෙහෙරාන් අගනුවර පිහිටි ඔහුගේ නිල කාර්යාලය ඉලක්ක කරගනිමින් එල්ල වූ ප්‍රබල ප්‍රහාරයකිනි. ප්‍රහාරයෙන් අනතුරුව ඔහුගේ ප්‍රාණය නිරුද්ධ දේහය කාර්යාල පරිශ්‍රයේ සුන්බුන් අතර තිබී හමුවූ බව ද එම වාර්තාවල වැඩිදුරටත් දැක්වේ.

තම උත්තරීතර නායකයාගේ හදිසි සමුගැනීම වෙනුවෙන් ඉරාන රජය විසින් එරට පුරා දින 40ක ජාතික ශෝක කාලයක් ප්‍රකාශයට පත් කර තිබේ. මෙම කාලසීමාව තුළ රටේ සියලුම රජයේ උත්සව අත්හිටුවා ඇති අතර, මැදපෙරදිග කලාපය තුළ පවතින උණුසුම් වාතාවරණය හමුවේ ඉරානයේ මෙම නව නායකත්ව වෙනස ලෝක දේශපාලනයේ දැඩි අවධානයට ලක්ව ඇත.