අමෙරිකාව සහ ඊශ්රායලය විසින් ඉරානය ඉලක්ක කර ගනිමින් එල්ල කරන ලද ප්රහාර මාලාවකදී එරට හිටපු ජනාධිපති මහමුද් අහමදිනෙජාඩ් (Mahmoud Ahmadinejad) ජීවිතක්ෂයට පත්ව ඇති බවට ඉරාන කම්කරු ප්රවෘත්ති ඒජන්සිය වාර්තා කළ බව විදෙස් මාධ්ය පවසනවා.
ජාත්යන්තර පුවත් සේවා කිහිපයක් පෙන්වා දෙන්නේ ටෙහෙරාන් නුවර ‘නර්මාක්’ (Narmak) ප්රදේශයේ පිහිටි ඔහුගේ නිවස ඉලක්ක කර ගනිමින් එල්ල වූ ගුවන් ප්රහාරයකින් ඔහු සහ ඔහුගේ ආරක්ෂක නිලධාරීන් කිහිප දෙනෙකු මෙලෙස මියගොස් ඇති බවයි.
ඉරානයේ ILNA පුවත් සේවය ඇතුළු මාධ්ය ජාල කිහිපයක් මෙම මරණය මුලින්ම වාර්තා කළ නමුත්, ඇතැම් ඉරාන රජයේ මාධ්ය තවමත් මෙම පුවත නිල වශයෙන් තහවුරු කර නොමැති බවත් ඒ පිළිබඳව විමර්ශනය කරමින් පවතින බවත් සඳහන් කර තිබෙනවා.
