Telephone:
+94779456435

Email:
editor.todaynewslk@gmial.com

ශ්‍රී ලංකා ක්‍රිකට් පරිපාලනයට ඇමති අත තබන ලකුණු

9 months ago

ශ්‍රී ලංකා ක්‍රිකට් පරිපාලනය වහාම ක්‍රියාත්මක වන පරිදි අතුරු පාලක කමිටුවකට හෝ බලයලත් නිලධාරියෙකු යටතට පත් කිරීම සම්බන්ධයෙන් ජාත්‍යන්තර ක්‍රිකට් කවුන්සිලය (ICC) සමඟ සාකච්ඡා ආරම්භ කර ඇති බව ක්‍රීඩා අමාත්‍ය සුනිල් ගමගේ මහතා අද පෙරවරුවේ ප්‍රකාශ කළේය.

විශේෂ මාධ්‍ය හමුවකට එක්වෙමින් අමාත්‍යවරයා අවධාරණය කළේ, මෙරට ක්‍රිකට් ක්‍රීඩාවේ අනාගතය වෙනුවෙන් රජය සෘජුව මැදිහත් විය යුතු කාලය එළඹ ඇති බවයි.

මෙම තීරණාත්මක සාකච්ඡා සඳහා ජනාධිපතිවරයා ද සෘජුවම මැදිහත් වී ඇති අතර, ක්‍රිකට් ක්‍රීඩාව නංවාලීම රජයේ මූලික වගකීමක් බව අමාත්‍යවරයා මෙහිදී පෙන්වා දුන්නේය.

ක්‍රීඩාවේ උන්නතිය වෙනුවෙන් ගන්නා මෙම ක්‍රියාමාර්ග වෙනත් පාර්ශ්වයන්ට පැවරිය නොහැකි වගකීමක් බවත්, ඉදිරි දින කිහිපය තුළ ICC ආයතනය සමඟ පවත්වන සාකච්ඡාවලින් පසු අවසන් තීරණයක් ගන්නා බවත් ඔහු වැඩිදුරටත් සඳහන් කළේය.