Telephone:
+94779456435

Email:
editor.todaynewslk@gmial.com

වසර 5 1/2කට පසු ශ්‍රී ලංකා ආර්ථිකය දැවැන්ත පිම්මක් පනී

9 months ago

ශ්‍රී ලංකා මහ බැංකුව සතු නිල සංචිත වත්කම්වල වටිනාකම 2020 අගෝස්තු මාසයෙන් පසුව පළමු වරට එක්සත් ජනපද ඩොලර් බිලියන 7 සීමාව ඉක්මවා ගොස් තිබේ.

නවතම දත්ත වාර්තාවලට අනුව 2026 පෙබරවාරි මාසය අවසානයේ දී ශ්‍රී ලංකා මහ බැංකුව සතු නිල සංචිත වත්කම්වල වටිනාකම ඩොලර් මිලියන 7,284ක් වන අතර එය 2026 ජනවාරි මාසයේ පැවති සංචිත වත්කම් ප්‍රමාණයට වූ ඩොලර් මිලියන 6,832 හා සැසඳීමේ දී 6.6%ක ඉහළ යාමකි.

සංචිත වත්කම් තුළ අන්තර්ගත ප්‍රධාන සංරචකය වන විදේශ විනිමය සංචිතය 2026 පෙබරවාරි මාසය තුළ දී ඩොලර් මිලියන 6,687 සිට ඩොලර් මිලියන 7,057ක් දක්වා වැඩි වී තිබේ.

මේ අතර මහ බැංකුව සතු රන් සංචිතය 2026 පෙබරවාරි මාසය තුළ දී ඩොලර් මිලියන 109 සිට ඩොලර් මිලියන 200 ක් දක්වා 83.4%කින් සුවිශේෂී ලෙස වර්ධනය වී ඇත.