ඉන්දීය ජාතික කොඩියට අපහාස වන අයුරින් කටයුතු කළ බවට චෝදනා කරමින් ඉන්දීය තුන්ඉරියව් ක්රිකට් ක්රීඩක හර්දික් පාණ්ඩ්යාට එරෙහිව පූනෛහි සිවාජි නගර් පොලීසියට පැමිණිල්ලක් ඉදිරිපත් වී තිබේ.
පූනෛහි නීතිඥවරයෙකු විසින් ඉදිරිපත් කරන ලද මෙම පැමිණිල්ලට අනුව, නවසීලන්තය සමඟ පැවැති විස්සය විස්ස ලෝක කුසලාන අවසන් මහා තරගයේ ජයග්රහණය සැමරීමේදී පාණ්ඩ්යා ජාතික කොඩියට අගෞරව වන පරිදි කටයුතු කර ඇත.
නීතිඥවරයා පෙන්වා දෙන්නේ පාණ්ඩ්යාගේ සැමරුම් ඉන්දීය ජාතික ගෞරවය කෙළෙසන සුළු බවයි.
පැමිණිල්ලට අදාළව සමාජ මාධ්ය ඔස්සේ ප්රචාරය වූ වීඩියෝ පට කිහිපයක් ද පොලීසිය වෙත ඉදිරිපත් කර තිබේ. එම වීඩියෝවල පහත කරුණු අන්තර්ගත වන බව පැමිණිල්ලේ සඳහන් වේ:
- හර්දික් පාණ්ඩ්යා ජාතික කොඩිය සමඟ නර්තනයේ යෙදීම.
- ජාතික කොඩිය සිරුර වටා දවටාගෙන වේදිකාවේ වැතිර සිටීම.
- ජාතික කොඩිය සිය ඉනෙහි ගැටගසා ගනිමින් සිය පෙම්වතිය සමඟ නර්තනයේ යෙදීම.
