ජනප්රිය ගායක දුෂ්යන්ත වීරමන් මහතාට “නෙලුම් විලෙන් පැන” නමැති ගීතය ගායනා කිරීම වාරණය කරමින් කොළඹ වාණිජ මහාධිකරණය අද (27) වාරණ ආඥාවක් නිකුත් කළේය.
අදාළ ගීතයේ තනු නිර්මාණය සහ සංගීත සංකලනය සිදු කරන ලද ප්රකට සංගීතඥ රවිහන්ස වැටකේපොත මහතා විසින් මෙම නඩුව පවරා තිබුණි. පැමිණිලිකරු වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් කියා සිටියේ, මෙම ගීතය සම්බන්ධයෙන් පවතින බුද්ධිමය දේපළ හිමිකම කිසිදු අයෙකුට උල්ලංඝනය කළ නොහැකි බවත්, දුෂ්යන්ත වීරමන් මහතා පැමිණිලිකරුගේ අවසරයකින් තොරව එය සිය ගීතයක් ලෙස ගායනා කරමින් සිටින බවත්ය.
ඉදිරිපත් වූ කරුණු සලකා බැලූ වාණිජ මහාධිකරණ විනිසුරු අමාලි රණවීර මහත්මිය විසින් මෙම වාරණ නියෝගය නිකුත් කරන ලදී. ඒ අනුව:
- දුෂ්යන්ත වීරමන් හට මෙම ගීතය ගායනා කිරීම තහනම් වේ.
- පැමිණිලිකරුගේ ලිඛිත අවසරයකින් තොරව මෙම ගීතය වෙනත් පාර්ශවයන් වෙත ලබාදීම ද වාරණය කර ඇත.
(source -dasathalankanews)
