Telephone:
+94779456435

Email:
editor.todaynewslk@gmial.com

ඉරාන යුද්ධය අවසන් වන කාලය ගැන ඊශ්‍රායල අගමැතිගෙන් ප්‍රකාශයක්

8 months ago

ඉරානය සමඟ පවතින වත්මන් යුද ගැටුම් අවසන් වන නිශ්චිත දිනයක් හෝ කාලසටහනක් ඉදිරිපත් කිරීමට තමා අකමැති බව ඊශ්‍රායල අග්‍රාමාත්‍ය බෙන්ජමින් නෙතන්යාහු ප්‍රකාශ කර තිබේ.

අමෙරිකානු Newsmax රූපවාහිනී නාලිකාව සමඟ විශේෂ සම්මුඛ සාකච්ඡාවකට එක්වෙමින් අග්‍රාමාත්‍යවරයා සඳහන් කළේ, යුද්ධය අවසන් කරන දිනයක් ප්‍රකාශ කරනවාට වඩා එහි අරමුණු ඉටු කරගැනීම වැදගත් බවයි. AFP පුවත් සේවය වාර්තා කරන පරිදි, වත්මන් යුදමය තත්ත්වය මේ වන විට “නිසැකවම අඩක් පසු කර ඇති” බව ද ඔහු එහිදී පෙන්වා දුන්නේය.

ඉරාන ඉස්ලාමීය ජනරජයේ පාලනය පිළිබඳව අදහස් දක්වමින් නෙතන්යාහු වැඩිදුරටත් කියා සිටියේ, ඉරාන පාලනය අවසානයේදී “අභ්‍යන්තරයෙන්ම බිඳ වැටෙනු ඇති” බවයි. ඉරානය තුළ පවතින අභ්‍යන්තර පීඩනය සහ ජාත්‍යන්තර බලපෑම් හමුවේ එම පාලන තන්ත්‍රය අස්ථාවර වනු ඇතැයි තමා විශ්වාස කරන බව ද ඔහු අවධාරණය කළේය.