Telephone:
+94779456435

Email:
editor.todaynewslk@gmial.com

‘හිරු නාලිකාව’ ඇමැති ලාල්ට ප්‍රසිද්ධියේ සොරි කියයි(වීඩියෝ)

7 months ago

කෘෂිකර්ම අමාත්‍ය කේ.ඩී. ලාල්කාන්ත මහතාගේ වත්කම් බැරකම් ප්‍රකාශය සම්බන්ධයෙන් අසත්‍ය තොරතුරු වාර්තා කිරීම පිළිබඳව හිරු නාලිකාව අමාත්‍යවරයා වෙත සිය කණගාටුව පළ කර තිබේ.

අදාළ නාලිකාව විසින් මීට පෙර අමාත්‍යවරයාගේ වත්කම් සම්බන්ධයෙන් පළ කළ තොරතුරු තම කීර්තිනාමයට අපහාස වන අයුරින් අසත්‍ය ලෙස වාර්තා කර ඇති බව අමාත්‍ය ලාල්කාන්ත මහතා චෝදනා කළේය.

ඒ සම්බන්ධයෙන් ඔහු සිය නීතිඥයින් මාර්ගයෙන් හිරු නාලිකාවට රුපියල් බිලියන 10ක වන්දියක් ඉල්ලා එන්තරවාසියක් (Letter of Demand) යොමු කිරීමට පියවර ගෙන තිබුණි.

එම එන්තරවාසියට ප්‍රතිචාර දක්වමින් හිරු නාලිකාව විශේෂ පුවත් විකාශයක් මඟින් ප්‍රකාශ කළේ, අදාළ තොරතුරු වාර්තා කිරීමේදී සිදු වූ දෝෂය සම්බන්ධයෙන් තමන් කණගාටුව පළ කරන බවයි.

අමාත්‍යවරයාගේ වත්කම් පිළිබඳ නිවැරදි තොරතුරු යළි අවධාරණය කරමින්, මීට පෙර පළ වූ අසත්‍ය වාර්තා පිළිබඳව එම නාලිකාව මෙලෙස සිය ස්ථාවරය නිවැරදි කර ගෙන තිබේ.