Telephone:
+94779456435

Email:
editor.todaynewslk@gmial.com

දියේ ගිලීමෙන් සිදු වූ මරණ ගණන තවදුරටත් ඉහළට

7 months ago

තඹුත්තේගම, නල්ලච්චිය ජලාශයේ වම් ඉවුරේ පිහිටි ඇල මාර්ගයක මංකඩක තිබී පිරිමි පුද්ගලයින් දෙදෙනෙකුගේ මළසිරුරු ඊයේ (18) පස්වරුවේ පොලිසිය විසින් සොයාගෙන තිබේ.

මෙසේ ජීවිතක්ෂයට පත්ව ඇත්තේ බැඳිවැව සහ තිඹිරිගස්කඩවල යන ප්‍රදේශවල පදිංචිව සිටි වයස අවුරුදු 19 සහ 30 යන වයස්වල පසුවන පුද්ගලයින් දෙදෙනෙකි. මොවුන් දෙදෙනා දිය නෑම සඳහා එම ස්ථානයට ගිය අවස්ථාවේදී මෙම අනතුරට ලක්ව ඇති බව මූලික පොලිස් විමර්ශනවලදී අනාවරණය වී ඇත. මෘත ශරීර මේ වන විට පශ්චාත් මරණ පරීක්ෂණ කටයුතු සඳහා තඹුත්තේගම රෝහලේ මෘත ශරීරාගාරයේ තැන්පත් කර ඇති අතර, තඹුත්තේගම පොලිසිය වැඩිදුර විමර්ශන සිදු කරයි.

මේ අතර පොලිස් වාර්තා පෙන්වා දෙන්නේ සිංහල හා දෙමළ අලුත් අවුරුදු නිවාඩු සමය ආරම්භ වූ පසුගිය 12 වැනිදා සිට මේ දක්වා ගත වූ දින කිහිපය තුළ පමණක් දියේ ගිලීම් හේතුවෙන් පුද්ගලයින් 28 දෙනෙකුට සිය ජීවිත අහිමි වී ඇති බවයි. නිවාඩු සමයේ විනෝද චාරිකා සහ දිය නෑමට යන පිරිස් වැඩි වීමත් සමඟ මෙවැනි අනතුරු ඉහළ ගොස් ඇති බව පෙනී යයි. දිය නෑමේදී වඩාත් සැලකිලිමත් වන ලෙස ආරක්ෂක අංශ මහජනතාවගෙන් නැවත නැවතත් ඉල්ලා සිටියි.