අමෙරිකානු නිදහසේ 250 වැනි සංවත්සරය සනිටුහන් කිරීම සඳහා තෙවැනි චාල්ස් රජු සහ කැමිලා රැජින සිව්දින රාජ්ය සංචාරයක් සඳහා සඳුදා (27) අමෙරිකාවට පැමිණ තිබෙනවා.
බ්රිතාන්ය රජු සහ රැජින වොෂින්ටන් ඩී.සී. හි පිහිටි බ්රිතාන්ය තානාපති නිල නිවසේ පැවැත්වෙන උද්යාන සාදයකට සහභාගී වීමට ප්රථම, ධවල මන්දිරයේදී ජනාධිපති ඩොනල්ඩ් ට්රම්ප් සහ මෙලනියා ට්රම්ප් හමු වී තේ පැන් සංග්රහයකට එක් වූ බවයි විදේශ මාධ්ය වාර්තා සඳහන් කරන්නේ.
මෙම සංචාරය සිදුවන්නේ ඉරානයේ පවතින යුදමය වාතාවරණය හේතුවෙන් අමෙරිකා – බ්රිතාන්ය සබඳතා දැඩි ලෙස පළුදු වී ඇති අවධියක වීම විශේෂත්වයක් වනවා.
බ්රිතාන්ය අගමැති කීර් ස්ටාමර් යුද සහාය ලබාදීම ප්රතික්ෂේප කිරීම සම්බන්ධයෙන් ජනාධිපති ඩොනල්ඩ් ට්රම්ප් මීට පෙර විවේචනාත්මකව අදහස් දක්වා තිබුණා.
බ්රිතාන්ය රජු දේශපාලනික වශයෙන් මධ්යස්ථව සිටිය යුතු වුව ද, මෙම රාජ්ය සංචාරය හරහා දෙරට අතර පවතින නොසන්සුන්තාව සමනය වනු ඇති බවයි විදේශ මාධ්ය වාර්තා වැඩිදුරටත් පෙන්වා දෙන්නේ.
