Telephone:
+94779456435

Email:
editor.todaynewslk@gmial.com

සංචාරක පැමිණීම පසු කළ කඩයිම

7 months ago

ශ්‍රී ලංකාවේ සංචාරක කර්මාන්තය 2026 වසරේ මුල් මාස දෙක තුළ අතිශය සාර්ථක වර්ධනයක් පෙන්නුම් කළ ද, මාර්තු සහ අප්‍රේල් මාසවලදී එහි යම් පහත වැටීමක් දක්නට ලැබෙන බව ශ්‍රී ලංකා සංචාරක සංවර්ධන අධිකාරිය (SLTDA) ප්‍රකාශ කරයි.

වසරේ ආරම්භය සනිටුහන් කරමින් ජනවාරි මාසයේදී සංචාරකයින් 277,327ක් සහ පෙබරවාරි මාසයේදී 279,328ක් මෙරටට පැමිණ තිබේ. මෙය 2025 වසරට පමණක් නොව, සංචාරක කර්මාන්තයේ ස්වර්ණමය වසරක් ලෙස සැලකෙන 2018 වසරට ද සාපේක්ෂව කැපී පෙනෙන වර්ධනයකි.

වෙතත්, මැද පෙරදිග කලාපයේ හටගෙන ඇති යුදමය නොසන්සුන්තාවය හේතුවෙන් සංචාරක පැමිණීම්වල හදිසි අඩුවීමක් මාර්තු මාසයේ සිට දක්නට ලැබේ. ඒ අනුව මාර්තු මාසයේදී පැමිණීම් 183,979 දක්වා පහත වැටුණු අතර, අප්‍රේල් මාසය අවසන් වන විට එය 117,893ක් දක්වා තවදුරටත් අඩු වී තිබේ.

මෙම අභියෝගාත්මක තත්ත්වය මධ්‍යයේ වුවද, 2026 වසරේ පළමු කාර්තුව (ජනවාරි – මාර්තු) අවසන් වන විට මුළු සංචාරක පැමිණීම් සංඛ්‍යාව 858,527ක් දක්වා ළඟා වී ඇත. මෙරටට වැඩිම සංචාරකයින් පිරිසක් පැමිණි රටවල් ලෙස ඉන්දියාව, එක්සත් රාජධානිය, රුසියාව, චීනය සහ ජර්මනිය හඳුනාගෙන තිබේ.