දශක හයකට ආසන්න කාලයක් තමිල්නාඩුව පාලනය කළ ප්රධාන ද්රවිඩ පක්ෂ දෙක වන DMK සහ AIADMK පක්ෂවල මාරුවෙන් මාරුවට පැවති පාලනය අවසන් කරමින්, ‘තමිලග වෙට්ට්රි කසාගම්’ (TVK) නායක සුපිරි නළු විජේ අද (10) පෙරවරුවේ තමිල්නාඩු මහ ඇමතිවරයා ලෙස දිවුරුම් දී තිබෙනවා.
ආසන 234 කින් යුත් මන්ත්රී මණ්ඩලයේ තේරී පත් වූ මන්ත්රීවරුන් 120 දෙනෙකුගේ සහාය ලබා ගැනීමෙන් පසු, තමිල්නාඩු ආණ්ඩුකාර රාජේන්ද්ර විශ්වනාත් අර්ලෙකර් විසින් විජේ මහ ඇමතිවරයා ලෙස නම් කර තිබුණා.
ඒ අනුව ඔහු අද පෙරවරු 10.00 ට චෙන්නායි හි නේරු ක්රීඩාංගණයේදී සිය ධුරයේ දිවුරුම් දුන් අතර, ජ්යෙෂ්ඨ TVK නායකයන් ඇතුළු තවත් අමාත්යවරුන් නව දෙනෙකු ද එහිදී දිවුරුම් දීමට නියමිතයි.
මැයි 13 වන දින හෝ ඊට පෙර සභාවේ විශ්වාසය පළ කරන ඡන්දයක් විමසන ලෙස ද ආණ්ඩුකාරවරයා දැනුම් දී ඇති බවයි විදෙස් මාධ්ය වාර්තා වැඩිදුරටත් සඳහන් කරන්නේ.
