දිවයිනේ ප්රදේශ රැසකට බලපා ඇති වැසි සහිත කාලගුණික තත්ත්වය හේතුවෙන් ශ්රී ලංකා ක්රිකට් ආයතනය (SLC) විසින් සංවිධානය කරනු ලබන සියලුම දේශීය ක්රිකට් තරගාවලි දින නියමයක් නොමැතිව කල් දැමීමට පියවර ගෙන තිබේ.
ක්රිකට් ආයතනය සඳහන් කළේ ක්රීඩාංගණවල පවතින තත්ත්වය සහ ක්රීඩකයන්ගේ ආරක්ෂාව සැලකිල්ලට ගනිමින් මෙම තීරණය ගත් බවයි. ඒ අනුව පහත තරගාවලි අත්හිටුවා ඇත:
- අන්තර් ක්රීඩා සමාජ එක්දින ක්රිකට් තරගාවලිය (Major Club Limited Over Tournament)
- ‘බී‘ කොටසේ විස්සයි විස්ස ක්රිකට් තරගාවලිය (Tier B T20 Tournament)
- ආණ්ඩුකාර කුසලාන තරගාවලිය (Governor’s Cup)
කාලගුණික තත්ත්වය යහපත් වූ පසුව මෙම තරගාවලි සඳහා සංශෝධිත කාලසටහන් ප්රකාශයට පත් කරන බව ක්රිකට් ආයතනය වැඩිදුරටත් සඳහන් කළේය.
මේ අතර, ශ්රී ලංකා මලල ක්රීඩා සංගමය ද නිවේදනයක් නිකුත් කරමින් පවසා සිටියේ අද (13) දින පැවැත්වීමට නියමිතව තිබූ මලල ක්රීඩා තේරීම් තරගාවලිය ද අයහපත් කාලගුණය හේතුවෙන් දින නියමයක් නොමැතිව කල් දැමූ බවයි.
