Telephone:
+94779456435

Email:
editor.todaynewslk@gmial.com

මෙවර LPL තරගාවලියට විශාල ඉල්ලුමක්! විදෙස් ක්‍රීඩකයින් 650කට අධික පිරිසක් ලියාපදිංචි වෙයි!

6 months ago

එළඹෙන ලංකා ප්‍රිමියර් ලීග් (LPL) ක්‍රිකට් තරගාවලිය සඳහා විදෙස් ක්‍රීඩකයින් 650කට අධික සංඛ්‍යාවක් ලියාපදිංචි වී ඇති බව ශ්‍රී ලංකා ක්‍රිකට් ආයතනය අද (23) නිල වශයෙන් නිවේදනය කළේය.

රටවල් 21කින් ක්‍රීඩකයින්

මෙවර තරගාවලිය සඳහා ජාත්‍යන්තර ක්‍රිකට් කවුන්සිලයේ (ICC) පූර්ණ සාමාජිකත්වය දරන සියලුම රටවල් නියෝජනය කරමින් ක්‍රීඩකයන් එක්ව සිටීම විශේෂත්වයකි. මීට අමතරව අමෙරිකාව සහ එක්සත් අරාබි එමීර් රාජ්‍යය වැනි අර්ධ සාමාජික රටවල් කිහිපයක ක්‍රීඩකයින් ද ඒ අතරට අයත් වන අතර, සමස්තයක් ලෙස ලොව පුරා රටවල් 21කින් ක්‍රීඩකයින් මෙවර ලියාපදිංචි වී සිටිති.

වැඩිම ඉල්ලුමක් පාකිස්තානයෙන්

ලියාපදිංචි වී ඇති විදෙස් ක්‍රීඩකයින්ගෙන් වැඩිම සංඛ්‍යාවක් පාකිස්තානය නියෝජනය කරන අතර, එම ගණන 102කි. ප්‍රධාන රටවල් කිහිපයකින් ලියාපදිංචි වී ඇති ක්‍රීඩකයින් සංඛ්‍යාව පහත පරිදි වේ:

  • බටහිර ඉන්දීය කොදෙව් – 75
  • දකුණු අප්‍රිකාව – 66
  • බංග්ලාදේශය – 48
  • නවසීලන්තය – 41
  • ඔස්ට්‍රේලියාව – 24
  • එංගලන්තය – 15
  • ඉන්දියාව – 12

ක්‍රීඩක කෙටුම්පත (Player Draft) ජුනි 1 වැනිදා

ලියාපදිංචි වී ඇති සමස්ත ක්‍රීඩකයින් අතුරින් විශේෂ ඇගයීම් ක්‍රියාවලියකින් අනතුරුව ක්‍රීඩකයින් 310 දෙනෙකු අවසන් වටය සඳහා තෝරා ගන්නා බව ක්‍රිකට් ආයතන නිවේදනයේ වැඩිදුරටත් දැක්වේ. ඒ අනුව, තෝරාගත් එම පිරිස එළඹෙන ජුනි මස 1 වැනිදා පැවැත්වීමට නියමිත LPL නිල ක්‍රීඩක කෙටුම්පත (Player Draft) සඳහා ඇතුළත් කෙරෙනු ඇත.