Telephone:
+94779456435

Email:
editor.todaynewslk@gmial.com

ICC විධායක කමිටු රැස්වීමට ශ්‍රී ලංකාවට සහ බංග්ලාදේශයට ඇරයුම් නෑ

6 months ago

ඉන්දියාවේ අහමදාබාද් නුවරදී පසුගියදා පැවති ජාත්‍යන්තර ක්‍රිකට් කවුන්සිලයේ (ICC) විධායක කමිටු රැස්වීම සඳහා ශ්‍රී ලංකාවට සහ බංග්ලාදේශයට ඇරයුම් ලබා දී නොතිබුණු බව වාර්තා වේ.

ශ්‍රී ලංකාව තුළ දැනට ක්‍රිකට් පරිවර්තන කමිටුවක් (Transformation Committee) සහ බංග්ලාදේශය තුළ ක්‍රිකට් අතුරු කමිටුවක් (Ad-hoc Committee) ක්‍රියාත්මක වීම මීට ප්‍රධාන හේතුව බව සඳහන් වේ. සාමාන්‍යයෙන් රටක ක්‍රිකට් පරිපාලනය තුළ දේශපාලනමය හෝ අතුරු කමිටු බලපෑම් පැවතීම ජාත්‍යන්තර ක්‍රිකට් කවුන්සිලයේ නීතිරීතිවලට පටහැනි කරුණක් ලෙස සලකනු ලබයි.

කෙසේ වෙතත්, මෙම තත්ත්වය හමුවේ දෙරටට එරෙහිව කිසිදු සම්බාධකයක් පැනවීමට අයි.සී.සී. කමිටුව තීරණය කර නොමැත. අයි.සී.සී. විසින් නිකුත් කළ නිවේදනයකට අනුව, ඔවුන්ගේ නියෝජිතයන් අදාළ රටවල පාර්ශවකරුවන් හමුවී දැනට පවතින ගැටලු සහ තත්ත්වයන් පිළිබඳව සාකච්ඡා කර ඔවුන්ව දැනුවත් කිරීමට පියවර ගෙන ඇත.