Telephone:
+94779456435

Email:
editor.todaynewslk@gmial.com

බොරතෙල් බැරලයක මිල පිම්මේ පහළට

5 months ago

ගෝලීය ඉල්ලුමෙහි වෙනස්වීම් හමුවේ ලෝක වෙළෙඳපොළේ බොරතෙල් බැරලයක මිල අද (17) අමෙරිකානු ඩොලර් 80 මට්ටමට වඩා සැලකිය යුතු ලෙස පහළ අගයක් ගෙන ඇති බව විදෙස් වාණිජ වාර්තා පවසයි.

ජාත්‍යන්තර වෙළෙඳපොළ දත්තවලට අනුව, අද දිනයේ ඇමරිකානු WTI (West Texas Intermediate) බොරතෙල් බැරලයක මිල සටහන් වූයේ අමෙරිකානු ඩොලර් 76.28 ක ආසන්න අගයකි. එමෙන්ම, ගෝලීය වශයෙන් ප්‍රධානතම මිල දර්ශකයක් වන බ්‍රෙන්ට් (Brent) වර්ගයේ බොරතෙල් බැරලයක මිල ද ඩොලර් 80 සීමාවෙන් බිඳ වැටී අමෙරිකානු ඩොලර් 79.13 ක් ලෙස සටහන්ව තිබුණි.

මේ අතර, ශ්‍රී ලංකාව වැනි රටවලට බෙහෙවින් වැදගත් වන මර්බන් (Murban) බොරතෙල් බැරලයක මිලෙහි සුවිශේෂී අඩුවීමක් දක්නට ලැබුණු අතර, එය 7.02% ක සන්නිවේදිත කඩාවැටීමක් සමඟින් අමෙරිකානු ඩොලර් 71.81 ක් දක්වා පහත වැටී ඇත.

ආර්ථික විශ්ලේෂකයින් පෙන්වා දෙන්නේ වත්මන් මැදපෙරදිග කලාපීය යුද ගැටුම් ආරම්භ වන සමයේදී ලෝක වෙළෙඳපොළේ බොරතෙල් බැරලයක මිල ඩොලර් 68 ත් 70 ත් අතර සාපේක්ෂ අඩු පරාසයක පැවති බවයි.