සමස්ත ක්රීඩා ලෝකයම මවිතයට පත් කරමින්, ලෝක කුසලාන පාපන්දු තරගාවලි 6කදී ගෝල රැස්කළ ලොව එකම ක්රීඩකයා ලෙස පෘතුගාලයේ ක්රිස්ටියානෝ රොනාල්ඩෝ සදාකාලික ලෝක වාර්තාවක් පිහිටුවා තිබේ. 2026 ලෝක කුසලාන තරගාවලියේ උස්බෙකිස්තාන කණ්ඩායමට එරෙහිව පැවැත්වෙන තරගයේදී ඔහු මෙම ඓතිහාසික කඩඉම පසු කළේය.
તરගයේ ආරම්භයේ සිටම දැඩි ආක්රමණශීලී ක්රීඩා විලාශයක් පෙන්නුම් කළ පෘතුගාල කණ්ඩායම වෙනුවෙන් තරගය ආරම්භ වී 6 වැනි මිනිත්තුවේදීම ක්රියාත්මක වූ රොනාල්ඩෝ, ප්රතිවාදී උස්බෙකිස්තාන ආරක්ෂක වළල්ල මුළුමනින්ම බිඳදමමින් අතිවිශිෂ්ට ගෝලයක් වාර්තා කිරීමට සමත් විය. මේ සමඟින් තරගයේ මුල් භාගයේදීම පෘතුගාලය 1-0ක් ලෙස පෙරමුණ ගැනීමට සමත් වූ අතර, කණ්ඩායමේ පීඩනය ලිහිල් කිරීමට ද එය විශාල උපකාරයක් විය.
දැන් 41 වැනි වියේ පසුවන රොනාල්ඩෝ, මෙතෙක් ලෝක පාපන්දු ඉතිහාසයේ කිසිදු ක්රීඩකයෙකුට ළඟාවීමට තබා සිතීමටවත් නොහැකි වූ දැවැන්ත කඩඉමක් මේ හරහා පසුකර ඇත. ඒ අනුව ඔහු වසර 20ක කාලයක් පුරා පැවැත්වුණු පහත ලෝක කුසලාන තරගාවලි හයකදීම අවම වශයෙන් එක් ගෝලය බැගින් හෝ රැස්කරමින් සිය අණසක පැතිරවීමට සමත්ව තිබේ:
- 2006 – ජර්මනිය
- 2010 – දකුණු අප්රිකාව
- 2014 – බ්රසීලය
- 2018 – රුසියාව
- 2022 – කටාර්
- 2026 – වත්මන් ලෝක කුසලානය
