Telephone:
+94779456435

Email:
editor.todaynewslk@gmial.com

තායිලන්තයේදී 11 හැවිරිදි දරුවෙකු පැදවූ රථයක ගැටී භික්ෂූන් වහන්සේලා 8 නමක් අපවත් වෙති! 13කට බරපතළයි!

5 months ago

ඊසානදිග තායිලන්තයේ මුක්දහාන් පළාතේ පාගමනක යෙදී සිටි භික්ෂූන් වහන්සේලා පිරිසක් වෙත 11 හැවිරිදි බාලවයස්කාර දරුවෙකු පැදවූ කැබ් රථයක් කඩා වැදීමෙන් සිදුවූ දරුණු අනතුරකින් භික්ෂූන් වහන්සේලා අට නමක් අපවත් වී තිබේ. මෙම ඛේදවාචකයෙන් තවත් භික්ෂූන් වහන්සේලා 13 නමකට බරපතළ තුවාල සිදුව ඇති බව එරට පොලිසිය පවසයි.

මුවැන්ග් දිස්ත්‍රික්කයේ බන් නා සි නුවාන් ප්‍රදේශයේදී අද (02) දහවල් 12.00 ට පමණ මෙම අනතුර සිදුව ඇත. අනතුර සිදුවූ වහාම ක්‍රියාත්මක වූ පොලිසිය සහ සහන සේවා කණ්ඩායම් අදාළ ස්ථානයට ළඟා වන විටත්, අනතුරට ලක්වූ භික්ෂූන් වහන්සේලා මාර්ගය අසල වැටී සිටි බව වාර්තා වේ.

අනතුරින් භික්ෂූන් වහන්සේලා පස් නමක් එම ස්ථානයේදීම අපවත් වී ඇති අතර, බරපතළ තුවාල ලබා රෝහල්ගත කළ භික්ෂූන් වහන්සේලා අතරින් තවත් තිදෙනෙකු රෝහලේදී අපවත් වී තිබේ. තුවාල ලැබූ සෙසු භික්ෂූන් වහන්සේලා 13 නම මේ වනවිට අසල පිහිටි රෝහල් වෙත ඇතුළත් කර කඩිනමින් අත්‍යවශ්‍ය ප්‍රතිකාර ලබා දෙමින් පවතී.

මූලික පොලිස් පරීක්ෂණවලට අනුව අනාවරණය වී ඇත්තේ, අනතුර සිදුකළ කැබ් රථය පදවා ඇත්තේ 11 හැවිරිදි කුඩා දරුවෙකු බවයි. ඔහු තම දෙමාපියන්ගේ හෝ භාරකරුවෙකුගේ කිසිදු අවසරයකින් තොරව අදාළ වාහනය පදවාගෙන විත් මෙම මාරක අනතුර සිදුකර ඇති බවට තහවුරු වී ඇත. සිද්ධිය සම්බන්ධයෙන් තායිලන්ත පොලිසිය විසින් මේ වන විටත් වැඩිදුර විමර්ශන ක්‍රියාත්මක කරමින් පවතී.