මීගමුව බන්ධනාගාර ගැටුමට සෘජුවම මුල් වූ බව පැවසෙන, ‘කෙහෙල්බද්දර පද්මේ’ නැමැති පාතාල නායකයාගේ සමීපතමයෙකු වන ‘කටුවැල්ලේගම සුරේෂ්’ නමැති රිමාන්ඩ් සැකකරුවාව බූස්ස අධි-ආරක්ෂිත බන්ධනාගාරය වෙත මාරු කර යවා තිබේ.
මීගමුව බන්ධනාගාරය තුළ රැඳවියන් 2,400කට අධික පිරිසක් සහ පාතාල සාමාජිකයන් 26 දෙනෙකු රඳවා සිටි පසුබිමක, පසුගිය 5 සහ 6 දිනවල ඇති වූ කල්ලි ගැටුමෙන් නිලධාරීන් 7 දෙනෙකු ඇතුළු 27 දෙනෙකු ජීවිතක්ෂයට පත් විය.
තුවාල ලැබූ 100කට අධික පිරිසෙන් බරපතළ තත්ත්වයේ පසු වූ 20 දෙනෙකු කොළඹ ජාතික රෝහල වෙත මාරු කර යවා ඇති අතර, අද (07) උදෑසන වන විට යුද හමුදාව සහ ආරක්ෂක අංශ මැදිහත් වී බන්ධනාගාරයේ සහ ඒ අවට ආරක්ෂාව සම්පූර්ණයෙන්ම තහවුරු කර තත්ත්වය පාලනය කර තිබේ.
