කාර්ය මණ්ඩල සාමාජිකයින් පස් දෙනෙකු රැගත්, පාකිස්ථානයේ ලියාපදිංචි K2 Airways සමාගමට අයත් බෝයිං 737 (Boeing 737) වර්ගයේ භාණ්ඩ ප්රවාහන ගුවන් යානයක් කරච්චි බලා පියාසර කරමින් සිටියදී ඊයේ (07) රාත්රියේ අතුරුදන් වී තිබේ.
යානයේ නාවික පද්ධතියේ දෝෂයක් වාර්තා කිරීමෙන් අනතුරුව ගුවන් ගමන් පාලක මැදිරිය සමඟ තිබූ සබඳතාව ගිලිහී ගොස් ඇති බව පාකිස්ථාන ගුවන් සේවා බලධාරීහු පවසති.
අතුරුදන් වූ යානය සහ එහි සිටි පිරිස සොයා ගැනීම සඳහා විවිධ ආරක්ෂක අංශවල සහභාගිත්වයෙන් මුහුදේ ඒකාබද්ධ සෙවීමේ සහ මුදවා ගැනීමේ මෙහෙයුමක් ආරම්භ කර ඇති අතර, K2 Airways සමාගම රාජ්ය ආයතන සමඟ එක්ව සහයෝගයෙන් පරීක්ෂණ පවත්වයි.
