අමෙරිකාව සහ ඉරානය අතර ඊයේ දිනයේදී අන්යෝන්ය වශයෙන් එල්ල කරගත් ප්රහාරවලින් අනතුරුව, අද රාත්රියේදී ද ඉරානයට “බොහෝ දුරට ප්රහාර එල්ල කිරීමට ඉඩ ඇති” බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
මේ වන විට තුර්කියේ පැවැත්වෙන නේටෝ (NATO) රාජ්ය නායක සමුළුවට සහභාගී වෙමින් සිටින ජනාධිපතිවරයා මෙම ආන්දෝලනාත්මක ප්රකාශය සිදුකර ඇත. ඊට අමතරව, ඉරානයට එරෙහිව යළිත් වරක් නාවික අවහිරතාවක් පැනවීමට කටයුතු කරන බවට ද ඔහු එහිදී දැඩි තර්ජනයක් එල්ල කර තිබේ.
මීට පෙර දෙපාර්ශවය අතර සාකච්ඡා ඉදිරියට ගෙන යා හැකි බවට අමෙරිකානු ජනාධිපතිවරයා ඉඟි කර තිබිණි. එහෙත්, එම ස්ථාවරය වෙනස් කරමින්, දෙරට අතර මෙතෙක් පැවති අවබෝධතා ගිවිසුම “දැන් මුළුමනින්ම අවසන්” බව ජනාධිපති ට්රම්ප් නේටෝ සමුළුවේදී වැඩිදුරටත් අවධාරණය කර ඇත.
