ජනලේඛන හා සංඛ්යාලේඛන දෙපාර්තමේන්තුව විසින් නිකුත් කරන ලද නවතම දත්තවලට අනුව, 2026 සැප්තැම්බර් මාසයේදී ශ්රී ලංකාවේ නිල ජාතික දරිද්රතා රේඛාව එක් පුද්ගලයෙකු සඳහා මසකට රුපියල් 17,742ක් දක්වා ඉහළ ගොස් තිබේ. මූලික අවශ්යතා සපුරා ගැනීම සඳහා පුද්ගලයෙකුට මසකට වැයවන අවම වියදම පදනම් කරගනිමින් මෙම මාසික සීමාව ගණනය කෙරේ.
දිස්ත්රික් මට්ටමින් සලකා බැලීමේදී ජීවන පිරිවැයේ පැහැදිලි වෙනස්කම් දක්නට ලැබෙන අතර, සැප්තැම්බර් මාසයේදී ඉහළම දරිද්රතා රේඛාව කොළඹ දිස්ත්රික්කයෙන් වාර්තා වී ඇත.
දිස්ත්රික්ක මට්ටමින් දරිද්රතා රේඛාවේ අගයන්:
- ඉහළම සීමාවන්:
- කොළඹ දිස්ත්රික්කය – රු. 19,136
- ගම්පහ දිස්ත්රික්කය – රු. 19,037
- කළුතර දිස්ත්රික්කය – රු. 18,624
- අඩුම සීමාවන්:
- මොනරාගල දිස්ත්රික්කය – රු. 16,965
- බදුල්ල දිස්ත්රික්කය – රු. 17,238
- හම්බන්තොට දිස්ත්රික්කය – රු. 17,315
වසර ගණනාවක් පුරා සිදු වූ දත්ත විශ්ලේෂණයේදී 2012/13 වසරේදී රු. 5,223ක්ව පැවති ජාතික දරිද්රතා රේඛාව, 2016 දී රු. 6,117ක් සහ 2019 දී රු. 6,966ක් ලෙස වාර්තා විය. එහෙත් 2025 සැප්තැම්බර් මාසයේ පැවති රු. 16,413 සීමාවට සාපේක්ෂව 2026 සැප්තැම්බර් වන විට එය සියයට 8.1කින් ඉහළ ගොස් ඇත.
