Telephone:
+94779456435

Email:
editor.todaynewslk@gmial.com

රිමාන්ඩ් භාරයේ සිටින නාමල් රාජපක්ෂ අද පාර්ලිමේන්තුවට

2 months ago

රක්ෂිත බන්ධනාගාරගත කර සිටින ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ මහතාට අද (08) පැවැත්වෙන පාර්ලිමේන්තු සැසිවාරය සඳහා සහභාගී වීමට අවසර හිමිව තිබේ.

කතානායක වෛද්‍ය ජගත් වික්‍රමරත්න මහතා ලබාදී ඇති අනුමැතියට අනුව ඔහුව පාර්ලිමේන්තුව වෙත රැගෙන යන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් සේනක පල්ලෙතැන්න මහතා තහවුරු කළේය.

පාර්ලිමේන්තුවේ විපක්ෂ නායක කාර්යාලය හරහා ශ්‍රී ලංකා පොදුජන පෙරමුණ විසින් කතානායකවරයාගෙන් කරන ලද ලිඛිත ඉල්ලීමකට අනුව මෙම අවසරය හිමිව ඇත.

මේ අතර ඊයේ දිනයේදී ද හිටපු ජනාධිපති මහින්ද රාජපක්ෂ සහ ශිරන්ති රාජපක්ෂ යන මහත්ම මහත්මීන් ඇතුළු පිරිසක් මන්ත්‍රීවරයාගේ සුවදුක් විමසීම සඳහා වැලිකඩ බන්ධනාගාරය වෙත ගොස් තිබුණි.