Telephone:
+94779456435

Email:
editor.todaynewslk@gmial.com

මෙටා සමාගමට ඩොලර් බිලියන 25ක දැවැන්ත දඩයක්!

1 month ago

තම පරිශීලකයන්ගේ දත්ත ආරක්ෂණය සම්බන්ධයෙන් අසත්‍ය ප්‍රකාශ සිදුකිරීම සහ පරිශීලකයන් නොමඟ යැවීමේ චෝදනා මත මෙටා (Meta) සමාගමට අමෙරිකානු අධිකරණයක් විසින් ඩොලර් බිලියන 25ක දඩයක් නියම කර තිබේ. ෆේස්බුක්, ඉන්ස්ටග්‍රෑම් සහ වට්ස්ඇප් යන සමාජ මාධ්‍ය ජාලයන්හි මව් සමාගම වන මෙටා වෙත අධිකරණයක් විසින් ඉතිහාසයේ පැනවූ ඉහළම දඩ මුදල මෙය බව විදෙස් මාධ්‍ය වාර්තා කරයි.

අමෙරිකාවේ නිව් මෙක්සිකෝ අධිකරණය විසින් මෙම තීන්දුව ලබා දී ඇති අතර, නියම කර ඇති අදාල දඩ මුදල එම ප්‍රාන්තය තුළ මෙටා සමාගමේ එක් කාර්තුවක සමස්ත ලාභයට සමාන වන බව සඳහන් වේ.

මෙටා සමාගමේ විධායක නිලධාරීන් විසින් වසර ගණනාවක සිට තම පරිශීලකයන්ගේ අනුදැනුමකින් තොරව ඔවුන්ගේ පෞද්ගලික දත්ත තෙවැනි පාර්ශ්ව වෙත සපයා ඇති බව නිව් මෙක්සිකෝ අධිකරණයේදී විභාග වූ නඩු විභාගයේදී තහවුරු වී ඇත. දත්ත ආරක්ෂණය සම්බන්ධයෙන් අසත්‍ය ප්‍රකාශ කිරීමට අමතරව පරිශීලකයන් නොමඟ හැරීමේ චෝදනාවට ද මෙටා සමාගම වරදකරු බවට අධිකරණය තීන්දු කර තිබේ.