2016 වසරේදී එක්සත් ජාතීන්ගේ මානව හිමිකම් කොමසාරිස් සෙයිද් අල් හුසෙන් කුමරුගේ ශ්රී ලංකා සංචාරයට එරෙහිව උද්ඝෝෂණයේ නිරත වීමේ සිද්ධියට අදාළ නඩුව දෙසැම්බර් 07 වැනිදා යළි කැඳවීමට කොළඹ මහේස්ත්රාත් අධිකරණය නියෝග කළේය.
අද (02) නඩුව කැඳවූ අවස්ථාවේදී ඇප මත සිටින හිටපු අමාත්ය විමල් වීරවංශ මහතා ඇතුළු පිරිස අධිකරණය හමුවේ පෙනී සිටියහ.
එක්සත් ජාතීන්ගේ කාර්යාලය පිහිටි කොළඹ තුම්මුල්ල ප්රදේශයේ මාර්ග අවහිර වන අයුරින් උද්ඝෝෂණය කරමින් මහජන පීඩාවක් සිදුකළ බවට කුරුඳුවත්ත පොලීසිය විසින් විත්තිකරුවන්ට එරෙහිව මෙම පැමිණිල්ල ගොනු කර ඇත.
හිටපු පාර්ලිමේන්තු මන්ත්රීවරුන් වන මොහොමඩ් මුසාම්මිල්, වීරකුමාර දිසානායක, ජයන්ත සමරවීර, පියසිරි විජේනායක සහ රොජර් සෙනෙවිරත්න යන අය මෙහි සෙසු විත්තිකරුවෝ වෙති.
