Telephone:
+94779456435

Email:
editor.todaynewslk@gmial.com

TIN අංකය ලබාගත් අයට විශේෂ දැනුම්දීමක්

2 weeks ago

මෙරට වයස අවුරුදු 18 සම්පූර්ණ වූ පුද්ගලයන් අතරින් තවත් මිලියන 4ක පමණ පිරිසක් TIN අංකය ලබාගෙන ලියාපදිංචි වීමට සිටින බව දේශීය ආදායම් දෙපාර්තමේන්තුවේ කොමසාරිස් නන්දන කුමාර මහතා පවසයි.

අද දෙරණ  ‘BIG FOCUS’ වැඩසටහනට එක්වෙමින් දේශීය ආදායම් දෙපාර්තමේන්තුවේ කොමසාරිස්වරයා ඒ බව සඳහන් කළේය.

මේ වන විට පුද්ගලයන් මිලියන 13ක් පමණ TIN අංක සඳහා ලියාපදිංචි වී ඇති බවත්, මෙරට වයස අවුරුදු 18 සම්පූර්ණ වූ ජනගහනය මිලියන 17ක් පමණ වන බවත් ඔහු සඳහන් කළේය.

ඒ අනුව තවත් මිලියන 4ක පමණ පිරිසක් TIN අංකය ලබාගෙන ලියාපදිංචි විය යුතු බවට හඳුනාගෙන ඇතැයි කොමසාරිස්වරයා වැඩිදුරටත් පැවසීය.

“පසුගිය කාලයේදී අත්‍යවශ්‍ය කාරණා කිහිපයක් සඳහා පමණයි අප TIN අංකය අනිවාර්ය කළේ. නමුත් නීතියට අනුව වයස අවුරුදු 18 සම්පූර්ණ වූ සියලුදෙනාම TIN අංකයක් ලබාගත යුතුයි. මේ සම්බන්ධයෙන් බොහෝ දෙනෙකු තුළ අනියත බියක් ඇති වී තිබුණා. දැනටත් එවැනි බියක් පවතිනවා. දේශීය ආදායම් දෙපාර්තමේන්තුවේ ලියාපදිංචි වූ සෑම පුද්ගලයෙකුම බදු ගෙවිය යුතු නැහැ. එවැනි අවශ්‍යතාවක් නැහැ. මෙහි නීතිමය අවශ්‍යතාව ඇති කර තිබෙන්නේ බදු ක්‍රමය විධිමත් කිරීම සඳහායි.”