මෙම වසරේ නිරීක්ෂණය කළ හැකි ප්රධාන උල්කාපාත වර්ෂාවක් වන ‘ඩෙල්ටා ඇක්වාරිට්ස්’ (Delta Aquariids) උල්කාපාත වර්ෂාව අද (29) රාත්රී කාලයේ සහ හෙට (30) අලුයම් කාලයේදී ශ්රී ලංකාවාසීන්ට දැකබලා ගැනීමට හැකිවන බව අභ්යවකාශ විද්යාඥ, ඉංජිනේරු, කථිකාචාර්ය ගිහාන් වීරසේකර මහතා පවසයි.
මෙම අභ්යවකාශ සංසිද්ධිය කුම්භ නමැති තාරකා රාශියේ පිහිටි ඩෙල්ටා ඇක්වාරිට්ස් යන තරුව ආශ්රිතව අහසේ දර්ශනය වන බව ඔහු වැඩිදුරටත් සඳහන් කරයි.
උල්කාපාත වර්ෂාව අතරතුරදී පැයකට උල්කාපාත 20ත් 25ත් අතර ප්රමාණයක් දැකගත හැකි වන අතර, අහස පැහැදිලිව පවතින ප්රදේශවල මුළු රාත්රිය පුරාම මෙය නිරීක්ෂණය කිරීමේ හැකියාව පවතින බව ද ඒ මහතා වැඩිදුරටත් පැවසීය.
