සැප්තැම්බර් 07 වැනිදා ආරම්භ වීමට නියමිත එක්සත් ජාතීන්ගේ මානව හිමිකම් මණ්ඩලයේ (UNHRC) 63 වැනි සැසිවාරය සඳහා ඉදිරිපත් කෙරෙන ශ්රී ලංකාව පිළිබඳ වාර්තාව ප්රසිද්ධියට පත්කර තිබේ.
ත්රස්තවාදය වැළැක්වීමේ පනත (PTA) යටතේ සිදුකෙරෙන අත්තනෝමතික අත්අඩංගුවට ගැනීම් හෙළා දකින මානව හිමිකම් මහකොමසාරිස් වොල්කර් ටර්ක් මහතා, එම පනත වහාම අත්හිටුවා අහෝසි කර නව නීතියක් ප්රතිෂ්ඨාපනය කරන ලෙස නිර්දේශ කරයි.
2025 වසරේදී අත්අඩංගුවේ සිදුවූ මරණ 18ක් සහ වධහිංසා සිදුවීම් 602ක් වාර්තා වී ඇති බව පෙන්වා දෙන වාර්තාව, මාධ්යවේදීන්ට සහ සිවිල් ක්රියාකාරීන්ට එරෙහිව රාජ්ය මට්ටමේ බියගැන්වීම් සිදුවන බවද සඳහන් කරයි.
මීට අමතරව උතුරු නැගෙනහිර ඉඩම් නිදහස් කිරීම, දීර්ඝ කාලීන දේශපාලන සිරකරුවන් නිදහස් කිරීම, මාර්ගගත සුරක්ෂිතතා පනත සහ ICCPR පනත සංශෝධනය කිරීම හෝ අහෝසි කිරීම ඇතුළු නිර්දේශ රැසක් ද මෙයට ඇතුළත් කර ඇත.
