කොස්ගොඩ ප්රදේශයේදී අද (06) අලුයම වෙඩිතැබීමේ උත්සාහයක් සිදුව තිබේ. සංවිධානාත්මක අපරාධකරුවෙකු වන ‘කොස්ගොඩ තාරක’ නමැත්තාගේ ඥාතියෙකු ඉලක්ක කරගනිමින් මෙම වෙඩිතැබීම සිදුකිරීමට උත්සාහ කර ඇති බව වාර්තා වේ.
ප්රහාරකයා මිලිමීටර් 9 වර්ගයේ ගිනි අවියක් භාවිතයෙන් දෙවරක්ම වෙඩි තැබීමට උත්සාහ කර ඇති නමුත්, එම අවස්ථාවන් දෙකේදීම ගිනි අවිය ක්රියාත්මක වී නොමැත.
එම හේතුවෙන් ඉලක්ක වූ පුද්ගලයාට කිසිදු හානියක් සිදුවී නොමැති අතර, සිද්ධිය සම්බන්ධයෙන් කොස්ගොඩ පොලිසිය විසින් වැඩිදුර විමර්ශන පවත්වනු ලබයි.
