Telephone:
+94779456435

Email:
editor.todaynewslk@gmial.com

අත්අඩංගුවට

උපකාරක පන්ති යන සිසුන් ඉලක්ක කර මත්ද්‍රව්‍ය විකිණූ 23 හැවිරිදි මාට්ටු

2 months ago

නාවලපිටිය තැපැල් කාර්යාලය අසල නවීන පන්නයේ ආපනශාලාවක් පවත්වාගෙන යන මුවාවෙන් උපකාරක පන්ති පැමිණෙන බාලවයස්කාර දරුවන් ඉලක්ක කර ගනිමින් හෂීස් මත්ද්‍රව්‍ය අලෙවි කළ 23 හැවිරිදි ජාවාරම්කරුවෙකු නාවලපිටිය පොලීසිය විසින් අත්අඩංගුවට ගෙන තිබේ.

වැටලීමේදී විකිණීමට ඉතිරිව තිබූ හෂීස් මත්ද්‍රව්‍ය ග්‍රෑම් 2ක් ද පොලිස් භාරයට ගෙන ඇත.

සැකකරු කොළඹ ගල්කිස්ස ප්‍රදේශයෙන් එක් වරකදී හෂීස් ග්‍රෑම් 10ක් රුපියල් 12,000කට ලබාගෙන, කුඩා පැකට් 80කට සකස් කර එක් පැකට්ටුවක් රුපියල් 1,000 බැගින් අලෙවි කර ඇති බව ප්‍රශ්න කිරීම්වලදී අනාවරණය වී තිබේ.

සැකකරු සහ ඔහුගේ පෙම්වතිය විසින් පවත්වාගෙන ගිය මෙම ආපනශාලාව තුළදීම මත්ද්‍රව්‍ය පානය කිරීමට ද පහසුකම් සලසා දී ඇති අතර, අත්අඩංගුවට ගත් සැකකරු සම්බන්ධයෙන් රැඳවුම් නියෝග ලබාගෙන වැඩිදුර විමර්ශන පවත්වන බව නාවලපිටිය පොලීසිය සඳහන් කරයි.

නවතම පුවත් (Latest News)