ඩුබායි සිට මෙරටට රැගෙන ආ බව කියන මහා පරිමාණ මත්ද්රව්ය ජාවාරම්කරුවෙකු වන ශිරාන් බාසික්ගේ පියා වන අබ්දුල් රසාක් මෙහෙමඩ් පාසික් අත්අඩංගුවට ගෙන තිබෙනවා.
ඔහුව මෙලෙස අද(11) අත්අඩංගුවට ගෙන තිබෙන්නේ, මධ්යම අපරාධ විමර්ශන කාර්යාංශය විසින්.
ගම්පහ ප්රදේශයේ සුඛෝපභෝගී නිවසක් ඔහුගේ පියාගේ නමින් මිලදී ගැනීම සම්බන්ධයෙන් සිදුකළ විමර්ශනයකට අදාළව මෙම අත්අඩංගුවට ගැනීම සිදුකර තිබෙනවා.
මේ සම්බන්ධයෙන් ප්රකාශයක් ගැනීම සඳහා ශිරාන් බාසික්ගේ පියාට අද මධ්යම අපරාධ විමර්ශන කාර්යාංශයට පැමිණෙන ලෙස දැනුම් දීමක් කර තිබූණා.
අදාළ සිද්ධිය සම්බන්ධයෙන් මුදල් විශුද්ධිකරණ පනත යටතේ මධ්යම අපරාධ විමර්ශන කාර්යාංශය වැඩිදුර විමර්ශන සිදුකරමින් පවතිනවා.
