Telephone:
+94779456435

Email:
editor.todaynewslk@gmial.com

ප්‍රමුඛතම අධ්‍යාපන කලාපයක පාසල් රැසක සිසුන් සියල්ලන්ම සාමාන්‍ය පෙළ අසමත් වෙයි

3 years ago

සිසුන් 17දෙනකු සාමාන්‍ය පෙළට ඉදිරිපත් වී ඔවුන් සියලුදෙනාම විභාගය අසමත් පාසලක් කුරුණෑගල අධ්‍යාපන කලාපයේ ඇති බව වයඹ පළාත් ආණ්ඩුකාර ලක්ෂ්මන් යාපා අබේවර්ධන පවසයි.

ආණ්ඩුකාරවරයා මේ බව ප්‍රකාශ කළේ කුරුණෑගල මලිය⁣දේව බාලිකා විදුහලේ පසුගියදා පැවති කුරුණෑගල අධ්‍යාපන කලාපයේ විදුහල්පති ප්‍රගති සමාලෝචන රැස්වීමට සහභාගි වෙමින්ය.

එමෙන්ම එම අධ්‍යාපන කලාපයේම සිසුන් සිවුදෙනකු විභාගයට ඉදිරිපත් වී ඔවුන් සියලුදෙනාම අසමත් වූ පාසලක්ද ඇති බවත් මෙම අවස්ථාවේදී එම පාසල්වල නම ප්‍රකාශ නොකරන බවත් ආණ්ඩුකාරවරයා සඳහන් කළේය.

පහසුකම් සහිත කුරුණෑගල අධ්‍යාපන කලාපයේ පාසල් කීපයකම සිසුන් මෙලෙස විභාග අසමත් වී ඇති පසුබිමක මහව අධ්‍යාපන කලාපයේ වන අලි ගැවසෙන දුෂ්කර ප්‍රදේශයක පාසලක් වයඹ පළාතේ හොඳම ශිෂ්‍යත්ව ප්‍රතිඵල ලබාගෙන ඇති බවද හෙතෙම කීවේය.

නවතම පුවත් (Latest News)