බංග්ලාදේශයේ හිටපු අග්රාමාත්ය ෂෙයික් හසීනා අත්අඩංගුවට ගැනීමට වරෙන්තු නිකුත් කර තිබේ.
පසුගිය ජුලි සහ අගෝස්තු මාසවලදී බංග්ලාදේශයේ පැවති ශිෂ්ය විරෝධතා අතරතුර සිදු කළ බව කියන අපරාධ සම්බන්ධයෙන් ඇයට එරෙහිව එරට ප්රාදේශීය අධිකරණයක් මගින් වරෙන්තුව නිකුත් කර ඇති බවයි විදෙස් මාධ්ය වාර්තා කර ඇත්තේ.
ඇයගේ දේශපාලන පක්ෂය වන අවාමි ලීගයේ ප්රධාන ලේකම්වරයා මෙන්ම ඉහළ නායකයින් ඇතුළු පුද්ගලයින් 45 දෙනෙකුට ද වරෙන්තු නිකුත් කර තිබේ.
ඒ අනුව නොවැම්බර් 18 වෙනිදා වන විට ෂීක් හසීනා අධිකරණයට ඉදිරිපත් කරන ලෙස විනිසුරු මඩුල්ල නියෝග කර ඇති බව විදෙස් මාධ්ය වාර්තා කර තිබේ.

