ඉන්දීය උප ජනාධිපති ජග්දීප් ධන්කාර් සිය ධුරයෙන් ඉල්ලා අස්වී තිබෙනවා.
මේ වන විට 74 වන හැවිරිදි වියේ පසු වන ජග්දීප් සිය සෞඛ්ය ගැටලු සහ වෛද්ය උපදෙස් පිළිපැදීමේ අවශ්යතාවය හේතුවෙන් මෙම තීරණය ගෙන ඇති බව එරට මාධ්ය වාර්තා කරනවා.
ඔහු සිය ඉල්ලා අස්වීමේ ලිපිය ඉන්දීය ජනාධිපතිවරයාට යොමුකර ඇති බවයි එම මාධ්ය වාර්තාවල දැක්වෙන්නේ.
2022 වසරේදී ඉන්දීය උප ජනාධිපති ධුරයට පත් වූ ජග්දීප් ධන්කාර්ගේ ධූර කාලය නිමාවීමට තිබුණේ 2027 වසරේදීයි.
ඒ අනුව ඔහු ඉල්ලා අස්වී ඇත්තේ ධුර කාලය අවසන් වීමට වසර දෙකක් ඉතිරිව තිබියදීයි.
කෙසේ වෙතත් ඉන්දීය උප ජනාධිපතිවරයාගේ ඉල්ලා අස්වීම සම්බන්ධයෙන් ඉන්දීය රජය මෙතෙක් ප්රතිචාර දක්වා නැහැ.
