ඇමෙරිකා එක්සත් ජනපදය, එක්සත් ජාතීන්ගේ අධ්යාපනික, විද්යාත්මක හා සංස්කෘතික සංවිධානය වන යුනෙස්කෝවෙන් (UNESCO) යළි ඉවත්වන බව අද (22) නිවේදනය කළා.
මෙම තීරණය 2026 දෙසැම්බර් අග වන විට බලාත්මක වීමට නියමිත බවයි විදෙස් මාධ්ය පවසන්නේ.
ඇමෙරිකාවේ රාජ්ය දෙපාර්තමේන්තු ප්රකාශිකා ටැමී බෲස් සඳහන් කර ඇත්තේ යුනෙස්කෝවේ අඛණ්ඩ මැදිහත්වීම එක්සත් ජනපදයේ ජාතික අවශ්යතාවයට නොගැලපෙන බවය.
ජනාධිපති ඩොනල්ඩ් ට්රම්ප් 2017 වසරේ ඔහුගේ පළමු ධුර කාලය තුළදී ද එක්සත් ජාතීන්ගේ අධ්යාපනික, විද්යාත්මක හා සංස්කෘතික සංවිධානයෙන් ඉවත් වීමට ද නියෝග කළේය.
කෙසේවෙතත් ඉන්පසුව අමෙරිකාවේ පාලන බලය හිමිකරගත් ජනාධිපති ජෝ බයිඩන් විසින් එම සාමාජිකත්වය නැවත ස්ථාපිත කිරීමට කටයුතු කළේය.
