රුසියාවේ නැගෙනහිර වෙරළ තීරයේ ඇති වූ භූකම්පනයත් සමග උතුරු ජපානයේ ඇතැම් ප්රදේශවලට 30cm – 40cm අතර උදම් රළ එල්ල වී තිබෙනවා.
කෙසේ වුවද මෙතෙක් කිසිදු ජීවිත හෝ දේපළ හානියක් වාර්තා වී නොමැති බවයි විදෙස් මාධ්ය සඳහන් කරන්නේ.
ජපානයේ කාලගුණ ඒජන්සිය මීට පෙර පැවසුවේ, ජපානයේ උතුරු සහ නැගෙනහිර වෙරළ තීරයේ ඔසාකා නගරයට දකුණින් වකයාමා දක්වා මීටර් තුනක් දක්වා සුනාමි රළ පැමිණෙන ඇතැයි අපේක්ෂා කරන බවය.
හොකයිඩෝ සිට ඔකිනාවා දක්වා විහිඳෙන ජපන් වෙරළ තීරයේ අවට නගර සභා 133කට අයත් පුද්ගලයින් ලක්ෂ 9ක් පමණ මේ වනවිට එම ස්ථානයන්ගෙන් ඉවත්කර ඇතැයි විදෙස් මාධ්ය වාර්තා කරයි.
මේ අතර, රුසියාවට බලපෑ ප්රබල භූකම්පනය සහ සුනාමි තත්ත්වය හේතුවෙන් ඉන්දියානු සාගරයට සුනාමි අනතුරු ඇඟවීමක් නොමැති බව මෙරට අපදා කළමනාකරන මධ්යස්ථානය පවසයි.
