Telephone:
+94779456435

Email:
editor.todaynewslk@gmial.com

ඊශ්‍රායල ප්‍රහාරයකින් අල් – ජසීරා මාධ්‍යවේදීන් පස් දෙනෙක් ජීවිතක්ෂයට පත්වෙයි

1 year ago

ගාසාහි අල්-ෂිෆා රෝහල ආසන්නයට එල්ල වූ ඊශ්‍රායල් ප්‍රහාරයකින් තම මාධ්‍යවේදීන් පස් දෙනෙකු මිය ගිය බව අල් ජසීරා පුවත් සේවය පවසයි.

ප්‍රහාරය එල්ල වන විට අනාස් අල්-ෂරීෆ්, මොහොමඩ් ක්‍රෙයිකේ සහ කැමරා ශිල්පීන් වන ඉබ්‍රාහිම් සහර්, මොහොමඩ් නූෆාල් සහ මෝමෙන් අලිවා යන අය රෝහලේ ප්‍රධාන දොරටුව අසල පිහිටි මාධ්‍යවේදීන් සඳහා වෙන් වූ කූඩාරමක සිටි බව අල් ජසීරා වාර්තා කර තිබේ.

ප්‍රහාරයෙන් සුළු මොහොතකට පසු, සිය ප්‍රහාරයේ ඉලක්කය වූයේ අනාස් අල්-ෂරීෆ් බව ඊශ්‍රායල හමුදාව පැවසුවේ, ඔහු හමාස් ත්‍රස්තවාදී අංශයක නායකයෙකු බවට ටෙලිග්‍රෑම්හි සටහනක් පළ කරමිනි.

මිය ගිය අනෙකුත් මාධ්‍යවේදීන් ගැන ඊශ්‍රායල් හමුදාව සඳහනක් කර තිබුණේ නැත.

ප්‍රහාරයෙන් හත් දෙනෙකු මිය ගිය බව අල් ජසීරා වාර්තා කරයි. පළමුව, සිය කාර්ය මණ්ඩලයේ හතර දෙනෙකු මිය ගිය බව ඔවුන් පැවසූ නමුත් පසුව එම සංඛ්‍යාව පහ දක්වා යාවත්කාලීන කරන ලදී.

නවතම පුවත් (Latest News)