Telephone:
+94779456435

Email:
editor.todaynewslk@gmial.com

ශ්‍රී ලාංකික මහාචාර්යවරයකුගේ නව සොයා ගැනීමක් ඩොලර් මිලියන 180 කට අලෙවි වෙයි

4 years ago

යම් පුද්ගලයෙකුගේ කැස්සේ ශබ්දයට සවන් දීමෙන් ඔහු කොවිඩ් ආසාදිතයෙකුදැයි නිශ්චය කර ගත හැකි ආකාරයෙන් නිර්මාණය වූ දුරකථන යෙදවුමක් ෆයිසර් සමාගම විසින් ඩොලර් මිලියන 180ක මුදලකට මිල දී ගෙන ඇති බව විදෙස් මාධ්‍ය වාර්තා කරනවා.

ඒ අනුව ඕස්ට්‍රේලියාවේ University of Queensland (UQ) හි මහාචාර්ය උදන්ත අබේරත්නගේ ප්‍රධානත්වයෙන් යුත් පර්යේෂණ කණ්ඩායමක් විසින් මෙම සොයා ගැනීම සිදුකර තිබෙනවා.

මෙම යෙදවුම වැඩිදියුණු කිරීමෙන් අනතුරුව එහි සාර්ථකත්වය අත්හදා බලා ෆයිසර් සමාගම විසින් ඩොලර් මිලියන 180 කට මෙලෙස මිලදීගෙන ඇති බවයි සඳහන් වන්නේ.

ඇදුම සහ නියුමෝනියාව ඇතුළු රෝග රාශියක බරපතලකම හඳුනා ගැනීමට සහ එහි බරපතලකම මැනීමට නාසයෙන් දියර ගැලීම හෝ උණ වැනි සරල රෝග ලක්ෂණ ස්වයං වාර්තා කිරීමද මෙම යෙදුම මඟින් සලකා බලන බවයි සඳහන් වන්නේ.

අප්‍රිකාවේ සහ ආසියාවේ ඉතා දුරස්ථ ප්‍රජාවන් තුළ ඔවුන්ට නවීන රෝහල්වලට ප්‍රවේශය නොමැතිවීම හේතුවෙන් නියුමෝනියාව වැනි මාරාන්තික රෝග හඳුනා ගැනීමට ඔවුන්ට හැකි වනු ඇති බවද මහාචාර්ය උදන්ත අබේරත්න සඳහන් කර තිබෙනවා.

-citizen-

නවතම පුවත් (Latest News)