Telephone:
+94779456435

Email:
editor.todaynewslk@gmial.com

‘දැයට කිරුළෙන්’ ලක්ෂ 2,918ක වංචාවක්? ශිරන්ති රාජපක්ෂට සහ සියඹලාපිටියට එරෙහිව අල්ලස් කොමිසමට පැමිණිල්ලක්

5 months ago

හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියට සහ හිටපු අමාත්‍ය රංජිත් සියඹලාපිටිය මහතා ඇතුළු පිරිසකට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව වෙත විශේෂ පැමිණිල්ලක් ඉදිරිපත් කර තිබේ.

මෙම පැමිණිල්ල ගොනු කර ඇත්තේ ‘අල්ලස, දූෂණය සහ නාස්තියට එරෙහි පුරවැසි බලය’ නමැති සංවිධානය විසිනි. අදාළ පාර්ශ්වයන් විසින් රජයට අයත් රුපියල් ලක්ෂ 2,918 ක දැවැන්ත මුදලක් වංචා කරමින්, එය සාවද්‍ය ලෙස පරිහරණය කර ඇති බවට එම පැමිණිල්ල හරහා බරපතළ චෝදනාවක් එල්ල කර ඇත.

පැමිණිලිකාර පාර්ශ්වය පෙන්වා දෙන ආකාරයට, මෙම මූල්‍ය වංචාව සිදුව ඇත්තේ 2012 සහ 2013 වසරවලදී පැවැත්වුණු ‘දැයට කිරුළ’ ජාතික ප්‍රදර්ශනයට සමගාමීව ය. එහිදී මුදල් සාවද්‍ය පරිහරණය වී ඇති ආකාරය පහත පරිදි වේ:

  • ශිරන්ති රාජපක්ෂ මහත්මිය විසින්: රුපියල් ලක්ෂ 1,632 ක මුදලක්
  • හිටපු අමාත්‍ය රංජිත් සියඹලාපිටිය මහතා විසින්: රුපියල් ලක්ෂ 1,286 ක මුදලක්

මෙලෙස අතිවිශාල රාජ්‍ය මුදලක් අවභාවිත කර ඇති බවට අදාළ සංවිධානය සිය පැමිණිල්ල මගින් වැඩිදුරටත් චෝදනා කර සිටී.

නවතම පුවත් (Latest News)