Telephone:
+94779456435

Email:
editor.todaynewslk@gmial.com

පිටි මිල ඉහළට

3 years ago

තිරිඟු පිටි ආනයනය කිරීමේදී අනිවාර්යයෙන්ම බලපත්‍රයක් ලබාගත යුතු බවට මුදල් අමාත්‍යාංශය විසින් ගැසට් පත්‍රයක් නිකුත් කිරීමෙන් පසුව වෙළෙඳපොළේ ආනයනික තිරිඟු පිටි කිලෝවක මිල රුපියල් හතළිහකින් ඉහළ දමා ඇත.

මෙරට තිරිඟු පිටි බෙදාහරින සමාගම් විසින් තිරිඟු පිටි මිල වරින් වර ඉහළ දැමීම හේතුවෙන් පිට​කොටුව තොග වෙළෙඳුන් තිරිඟු පිටි ආනයනය කළහ.

ප්‍රීමා සහ සෙරන්ඩිබ් යන සමාගම් තිරිඟු ඇට ආනයනය කර කොළඹ සහ ත්‍රිකුණාමලය වරාය පරිශ්‍රවලදී ඒවා අඹරා බෙදා හරින බවද තිරිඟු ඇට කිලෝවක් සඳහා ආනයනික බදු ලෙස අය කෙරෙන්නේ රුපියල් තුනක් පමණක් වුවද තිරිඟු පිටි ආනයනයේදී කිලෝවකට රුපියල් හතළිහක බද්දක් අය කෙරෙන බව ආනයනකරුවන් කියා සිටිති.

මේ අතර තිරිඟු ඇට ආනයනය කර මෙරටදී පිටි කර අලෙවි කරන සමාගම්වලට රජය සහනයක් ලබාදීම නිසා රජයට හිමි වීමට තිබූ කෝටි ගණනක බදු ආදායම අහිමි වී ගොස් ඇතැයි අත්‍යවශ්‍ය ආහාර ද්‍රව්‍ය ආනයනකරුවන්ගේ සංගමයේ උපදේශක පී.එම්. අබේසේකර චෝදනා කරයි.