එළඹෙන ජුනි 30 වනදා ද ඇතුළුව ජුනි 29 වනදා සිට ජුලි 03 වනදා දක්වා දීර්ඝ බැංකු නිවාඩුවක් ප්රකාශයට පත්කෙරුණේ මෙරට දේශීය ණය ප්රතිව්යුහගතකරණය කිරීමේ ක්රියාවලිය සඳහා අවශ්ය කාලය ලබාගැනීමට බව මහ බැංකු අධිපති ආචාර්ය නන්දලාල් වීරසිංහ මහතා පවසයි.
ඊයේ (25) පස්වරුවේ විශේෂ ප්රකාශයක් සිදුකරමින් මහබැංකු අධිපතිවරයා මේ බව සඳහන් කළේය.
එහිදී ඔහු වැඩිදුරටත් සඳහන් කළේ දේශීය ණය ප්රතිව්යුහගතකරණය කිරීමේ ක්රියාවලිය තුළ දී මෙරට කිසිදු බැංකුවක කිසිදු තැන්පතුවකට හානියක් නොවන බවය.
දේශීය ණය ප්රතිව්යුහගත කිරීම සම්පූර්ණ කිරීම සඳහා යම් කාලයක් අවශ්ය බවත් මේ සඳහා කැබිනට් අනුමැතිය, පාර්ලිමේන්තුවට ඉදිරිපත් කිරීම සහ පාර්ලිමේන්තු කමිටු තුළ සාකච්ඡා කිරීමටත් කාලයක් අවශ්ය බවත් හෙතෙම සඳහන් කළා.

