Telephone:
+94779456435

Email:
editor.todaynewslk@gmial.com

බදු බරින් මිරිකෙන ජනතාවට රජයෙන් සහනයක්

3 years ago

අධික බදු හේතුවෙන් පීඩාවට පත්ව සිටින වෘත්තිකයන් ඇතුළු පිරිස්වලට සහන සැලසීමට විශේෂ වැඩපිළිවෙළක් අරඹන බව මුදල් අමාත්‍යංශයේ ප්‍රධානීහු ආර්ථික අර්බුදයේ බලපෑම සමනය කිරීම පිළිබඳ පාර්ලිමේන්තු ආංශික අධීක්ෂණ කාරක සභාව හමුවේ පැවසූහ.

මේ අතර උපයන විට බද්ද ඉදිරි අයවැයේදී සංශෝධනය කිරීම සඳහා මැදිහත්වීමට එම ආංශික අධීක්ෂණ පාර්ලිමේන්තු කාරක සභාව තීරණය කර ඇතැයි එහි සභාපති රත්නපුර දිස්ත්‍රික් පාර්ලිමේන්තු මන්ත්‍රී ගාමිණී වලේබොඩ මහතා පැවසීය.

උපයන විට බද්ධ සංශෝධනය විය යුතු ආකාරය ගැන සති දෙකක් ඇතුළත වාර්තාවක් දෙන ලෙස එම කාරක සභාව වෘත්තීය සංගම්වලට දැනුම් දුන්නේය.

බදු ගැටලුව නිසා වෘත්තිකයන් රට හැර යෑම බරපතල ගැටලුවක් බව පවසන කමිටුව මෙම ගැටලුව විසඳීමේ අවශ්‍යතාව රජයට සහ ජාත්‍යන්තර මූල්‍ය අරමුදලට පෙන්වා දෙන බවද සඳහන් කළේය.

මෙහිදී අදහස් දැක්වූ දේශීය ආදායම් දෙපාර්තමේන්තුවේ නිලධාරීන් පැවසුවේ බදු ක්‍රියාවලියට සම්බන්ධ නොවූ පිරිස සම්බන්ධ කරගැනීමට විශේෂ වැඩපිළිවෙළක් ආරම්භ කර ඇති බවයි.

ඒ අනුව නව බදු ගෙවන්නන් සමූහ වශයෙන් ලියාපදිංචි කිරීමේ වැඩසටහනක් ( Bulk Registration) ආරම්භ කෙරෙන බවද ඔවුහු සඳහන් කළහ.