Telephone:
+94779456435

Email:
editor.todaynewslk@gmial.com

වසර 2කට පසු පොලී අනුපාත තනි ඉලක්කමට පැමිණෙයි

3 years ago

ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් ඊයේ (14) දින කැඳවන ලද භාණ්ඩාගාර බිල්පත් වෙන්දේසියේ දී පොලී අනුපාතික කැපීපෙනෙන ලෙස තවදුරටත් පහළ ගොස් තිබෙන බව වාර්තා වනවා.

එහිදී දින 91 සහ දින 182 බිල්පත් පොලී අනුපාතික, තනි ඉලක්කමක මට්ටමක් දක්වා පහතට පැමිණ තිබීම විශේෂත්වයක්.

ඒ අනුව පසුගිය සතියේ වෙන්දේසිය හා සැසඳීමේ දී එක් එක් කල්පිරීමේ කාලයන්ට අදාළ බර තබන ලද සාමාන්‍ය ඵලදා අනුපාතිකයන් පහතින්,

දින 91 – 10.96% සිට 9.79% ක් දක්වා පදනම් අංක 117කින්,

දින 182 – 11.07% සිට 9.86% ක් දක්වා පදනම් අංක 121 කින් සහ,

දින 364 – 10.73% සිට 10.02% ක් දක්වා පදනම් අංක 71 කින් පහළ ගොස් ඇත.

මෙලෙස භාණ්ඩාගාර බිල්පත් ඵලදා අනුපාතික තනි ඉලක්කමක මට්ටමක් දක්වා පහළ පැමිණ ඇත්තේ 2022.03.04 දින පැවති භාණ්ඩගාර බිල්පත් වෙන්දේසියෙන් පසුව වීමද විශේෂත්වයක්.