ආනයනික සුදු සීනි, පරිප්පු, තිරිඟු පිටි තොග මිල අඩු කර ඇතැයි අත්යවශ්ය ආහාර ද්රව්ය ආනයනකරුවෝ පවසති.
ඒ අනුව, සුදුසීනි කිලෝවක තොග මිල රුපියල් 300 සිට 265 දක්වා ද, තිරිඟු පිටි කිලෝවක් රුපියල් 190 සිට175 දක්වා සහ පරිප්පු කිලෝවක් රුපියල් 350 සිට 285 දක්වාද අඩුකර ඇතැයි ඔවුහු පවසති.
එමෙන්ම සුදු සීනි, තිරිඟු පිටි සහ පරිප්පු තොග තමන් සතුව පවතින බවත් එළඹෙන උත්සව සමයේදී පාරිභෝගික ජනතාවට කිසිදු බාධකයකින් තොරව එම අත්යවශ්ය ආහාර ද්රව්ය මිලදී ගැනීමට හැකි බවත් ආනයනකරුවෝ කියා සිටී.
නමුත් පාරිභෝගික ජනතාව චෝදනා කරන්නේ සුදු සීනි, පරිප්පු සහ තිරිඟු පිටි තොග මිල අඩුවී තිබුණද ඇතැම් සුපිරි වෙළඳසැල්වල සහ සිල්ලර වෙළඳසැල්වල එම භාණ්ඩවල මිලෙහි වෙනසක් සිදු වී නොමැති බවයි.

