Telephone:
+94779456435

Email:
editor.todaynewslk@gmial.com

ජනපති අනුර ඉන්දීය අගමැති මෝදිට දුන් පොරොන්දුව

2 years ago

ඉන්දියාවේ ආරක්ෂාවට සහ කලාපයේ ස්ථාවරයට හානි වන අයුරින් ශ්‍රී ලංකා භූමිය යොදාගැනීමට කිසි විටෙකත් ඉඩ ලබා නොදෙන බව තමා ඉන්දීය අග්‍රාමාත්‍ය නරේන්ද්‍ර මෝදීට පොරොන්දු වූ බව ජනාධිපති අනුර කුමාර දිසානායක මහතා පවසනවා.

ඉන්දීය අග්‍රාමාත්‍ය නරේන්ද්‍ර මෝදි සමඟ ඒකාබද්ධ ප්‍රවෘත්ති සාකච්ඡාව එක්වෙමින් ජනාධිපතිවරයා  අද (16) මේ බව ප්‍රකාශ කළා.

මෙහිදී මාධ්‍ය හමුව අමතමින් ජනාධිපති අනුර කුමාර මහතා පැවසුවේ, තමාගේ ඉන්දීය සංචාරය දෙරට අතර සහයෝගය වර්ධනය කිරීම සඳහා උපකාරි වනු ඇති බවයි.

එමෙන්ම ඉන්දීය අග්‍රාමාත්‍යවරයාට ශ්‍රී ලංකාවේ සංචාරය කරන ලෙස ආරාධනා කළ බව ද ජනාධිපතිවරයා මෙහිදී සඳහන් කළා.

මීට වසර දෙකකට පෙර ශ්‍රී ලංකාව දරුණු ආර්ථික අර්බුදයකට මුහුණ දුන් බවත් එම තත්ත්වයෙන් ගොඩ ඒම සඳහා ඉන්දියාව මහත් සහයෝගයක් ලබා දුන් බවන් අනුර කුමාර දිසානායක මහතා මෙහිදී සිහිපත් කළා.

ඔහු තවදුරටත් අවධාරනය කළේ ධර්මය ඉගැන්වීමේ, බෙදා ගැනීමේ සිට අපගේ සංවර්ධන ප්‍රගතියේ කොටස් කරුවෙක් දක්වා ඉතිහාසය පුරාවට ඉන්දියව ශ්‍රී ලංකාවේ වර්ධනයේ සහ සංවර්ධනයේ කොටස්කරුවෙකු වී තිබෙන බවයි.

ඉන්දියාවේ රාජ්‍ය සේවාවන් ඩිජිටල්කරණය කිරීමේදී අති විශාල සාර්ථකත්වයක් ලඟා කර ගෙන ඇති අතර ශ්‍රී ලංකාවද එම මාර්ගයේ ගමන් කරමින් සිටින බවත් ඉන්දීය අග්‍රාමාත්‍යවරයා මෙම උත්සාහයට ශ්‍රී ලංකාවට සිය සහයෝගය ලබා දෙන බවට තමාට පොරොන්දු වූ බවත් ජනාධිපතිවරයා පවසා සිටියා.

තවද රටවල් දෙකටම වසංගතයක් බවට පත්ව ඇති ධීවර ප්‍රශ්නයට කල් පවත්නා සහ තිරසාර විඳුමක් සෙවීමට අවශ්‍ය බවත් එම ධීවර කලාපයන් තුළ ධිවරයන් නීති විරෝධි ක්‍රම භාවිත කරන බැවින් එම තත්ත්වයන් හේතුවෙන් ධීවර කර්මාන්තය විනාශයට පත්වන බවත් එය අවසන් කිරීමට පියවර ගන්නා ලෙස තමන් ඉන්දීය අග්‍රාමාත්‍යවරයාගෙන් ඉල්ලා සිටි බවත් ජනාධිපතිවරයා මෙහිදී සඳහන් කළා.