Telephone:
+94779456435

Email:
editor.todaynewslk@gmial.com

ක්‍රිෂ් ගනුදෙනුව සම්බන්ධව නාමල් රාජපක්ෂට අධිචෝදනා! ලක්ෂ 700ක් යටිමඩි ගහලා ?

2 years ago

ක්‍රිෂ් ගනුදෙනුව සම්බන්ධයෙන් රුපියල් මිලියන 70 ක මුදලක් සාපරාධි සාවද්‍ය පරිහරණ කිරීමේ චෝදනා යටතේ පාර්ලිමේන්තු මන්ත්‍රී නාමල් රාජපක්ෂ මහතාට එරෙහිව නීතිපතිවරයා විසින් අධිචෝදනා ඉදිරිපත් කර තිබේ. 

නීතිපතිවරයා විසින් මෙම අධිචෝදනා පත්‍ර කොළඹ මහාධිකරණයට යොමුකර ඇත.

රග්බි ක්‍රීඩාව ප්‍රවර්ධනය කිරීම සඳහා යැයි පවසමින් ඉන්දියාවේ සමාගමකින් රුපියල් මිලියන 70ක මුදලක් ලබාගෙන සාපරාදී සාවද්‍ය පරිහරණයක් සිදු කළේ යැයි නාමල් රාජපක්ෂ මහතාට එරෙහිව නීතිපතිවරයා විසින් මෙම අධිචෝදනා එල්ල කර තිබේ.

මෙම සිද්ධියට අදාළව පොලිස් මූල්‍ය අපරාධ විමර්ශන කොට්ඨාශය විසින් මීට පෙර කොටුව මහේස්ත්‍රාත් අධිකරණය හමුවේ කරුණු වාර්තාකර තිබුණු අතර එම නඩුවේ සැකකරුවකු වශයෙන් නාමල් රාජපක්ෂ මහතා අත් අඩංගුවට ගෙන අධිකරණයට ඉදිරිපත් කර ඇප මත මුදාහැර තිබුණි.

ක්‍රිෂ් ව්‍යාපෘතිය හිටපු ජනාධිපති මහින්ද රාජපක්ෂ මහතාගේ සමයේ ආරම්භ කරන ලද ඩොලර් මිලියන 650 ක ව්‍යාපෘතියකි.

මෙම ව්‍යාපෘතිය ආරම්භ වූ කාලයේ දී ම අදාල ව්‍යාපෘතිය ආරම්භ කිරීම සදහා මෙරට ප්‍රභූවරු කිහිප දෙනෙකුටම මුදල් ලබා දී ඇති බවට චෝදනා එල්ල විය.

ක්‍රිෂ් ගනුදෙනුව සම්බන්ධයෙන් එවකට විපක්ෂ නායකවරයා වූ රනිල් වික්‍රමසිංහ මහතාද පාර්ලිමේන්තුව හමුවේ ප්‍රශ්න කර සිටියේ ය. ඒ, 2012 වසරේ නොවැම්බර් මාසයේ දී ය.