අධ්යයන පොදු සහතික පත්ර උසස් පෙළ විභාගයේ ප්රතිඵල අලුත් අවුරුදු කාලයෙන් පසුව නිකුත් කිරීමට අපේක්ෂා කරන බව විභාග කොමසාරිස් ජනරාල් අමිත් ජයසුන්දර මහතා පවසනවා.
ඒ මහතා මේ බව සඳහන් කර තිබුණේ ‘දිනමිණ’ පුවත්පත කළ විමසීමකදීයි.
රට පුරා මධ්යස්ථාන 2312කදී මෙම විභාගය පැවැත්විණි. විභාගය සඳහා සමස්ත අයදුම්කරුවන් 333,183ක් පෙනී සිටි අතර ඉන් 253,390ක් පාසල් අයදුම්කරුවන් සහ 79,793 පෞද්ගලික අයදුම්කරුවන් විය.
උසස් පෙළ විභාගය 2024 නොවැම්බර් මස 25 වැනිදා සිට දෙසැම්බර් 31 වැනිදා දක්වා පැවැත්විණි.
