තමා සහ සිය දියණිය සම්බන්ධව සංසරණය වන අතිශය සාවද්ය සහ ද්වේශ සහගත ප්රවෘත්තියක් සම්බන්ධයෙන් කම්කරු නියෝජ්ය අමාත්ය මහින්ද ජයසිංහ මහතා විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර තිබේ.
අදාළ ව්යාජ පුවතෙහි නියෝජ්ය අමාත්යවරයා සහ ඔහුගේ දියණියගේ ඡායාරූප භාවිත කර කොළඹ ප්රසිද්ධ හෝටලක සිය දියණියගේ උපන් දිනය පවත්වා ඇති බව සඳහන් කර තිබේ.
මේ සම්බන්ධව අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කරමින් නියෝජ්ය අමාත්යවරයා සඳහන් කර ඇත්තේ අදාළ උපන් දින උත්සවය සිය වැඩිමහල් දියණිය විසින් 2023 වසරේ අප්රේල් මස 16 වැනි දින ගිරිඋල්ල ප්රදේශයේ සංවිධානය කර තිබූ බවත් සිය දියණිය කැලණිය විශ්වවිද්යාලයේ උපාධිධාරිණියක වන බවත් ඇය පෞද්ගලික අංශයේ රැකියාවක නිරත වන බවයි.
මෙම පැමිණිල්ලෙහි අමාත්යවරයා වැඩිදුරටත් දක්වා ඇත්තේ පූර්ණ කාලීන දේශපාලනයේ නිරත තමාට මෙන්ම තම දේශපාලන ව්යාපාරයට මෙමගින් බරපතළ අපහාසයක් සිදුවන බවයි.
එමෙන්ම සිය දියණිය ඇතුළු පවුලේ සාමාජිකයින්ටද මෙම අසත්ය පුවත මගින් ද්වේශ සහගත සහ හිතාමතාම අපහාර සිදුකර ඇති බව පැමිණිල්ලේ වැඩිදුරටත් සඳහන් කර තිබෙනවා.
ඒ අනුව අදාළ සාවද්ය පුවත සම්බන්ධව කඩිනමින් විමර්ශනයක් කර ඊට අදාළ පාර්ශ්වයන්ට එරෙහිව නීතිමය ක්රියාමාර්ග ගන්නා ලෙස නියෝජ්ය අමාත්ය මහින්ද ජයසිංහ මහතා සිය පැමිණිල්ල මගින් අපරාධ පරීක්ෂණ දෙපාර්තමේන්තුවෙන් ඉල්ලා තිබේ.
