කොටහේන ගල්පොත්ත වීදිය මහල් නිවාස සංකීර්ණයක පදිංචිව සිටි 16 හැවිරිදි සිසුවියක සියදිවි නසාගැනීම සිද්ධියට චෝදනා එල්ල වී ඇති සැකකාර ගුරුවරයා අනිවාර්ය නිවාඩු යවා තිබේ.
ඊයේ පස්වරුවේ නිවේදනයක් නිකුත් කරමින් අධ්යාපන අමාත්යංශය සඳහන් කළේ මෙම සිදුවීමට අදාළ පොලිස් බී වාර්තාව මේ වනවිට තම අමාශ්යාංශයට ලැබී ඇති බවයි.
ඒ හේතුවෙන් සිද්ධියට අදාළ ගුරුවරයා, ආයතන සංග්රහයේ II කාණ්ඩයේ XLVIII වැනි පරිච්ඡේදයේ 27:9 වගන්තිය ප්රකාරව අනිවාර්ය නිවාඩු ගැන්වීමට කටයුතු කරන බවයි.
එමෙන්ම මෙම සිද්ධියට අදාළ මූලික විමර්ශනය මේ වනවිට සිදු කෙරෙමින් පවතින බව එම නිවේදනයේ සඳහන් වෙයි.
එම විමර්ශනයට අදාළ වාර්තාව ලද වහාම විධිමත් විනය ක්රියාමාර්ග ගැනීම සඳහා අවශ්ය කටයුතු සිදු කරන බවයි අධ්යාපන අමාත්යාංශය පවසන්නේ.
තවද මෙම සමස්ත සිදුවීමේදී යම් පාර්ශ්වයන් තම රාජකාරි වගකීම් පැහැරහැර ඇත්ද යන්න සොයා බැලීමට එම අමාත්යාංශය විසින් අභ්යන්තර පරීක්ෂණයක් ආරම්භ කර ඇත.
