අගෝස්තු 01 වැනිදා සිට අවම වශයෙන් රටවල් 14කින් ආනයනය කරනු ලබන භාණ්ඩ සඳහා තීරු බදු පැනවූ බව ධවල මන්දිරය නිවේදනය කර තිබෙනවා.
අමෙරිකානු ජනාධිපති ඩොන්ල්ඩ් ට්රම්ප් විසින් අදාළ තීරුබදු පැනවීම පිළිබඳව ලිඛිතව දැනුම් දී ඇති බව වාර්තා වේ.
ඒ අනුව, ජපානය, දකුණු කොරියාව, මැලේසියාව, කසකස්තානය සහ ටියුනීසියාවෙන් එක්සත් ජනපදයට ආනයනය කරන භාණ්ඩ සඳහා සියයට 25ක තීරු බදු පැනවීමට නියමිතයි.
දකුණු අප්රිකානු සහ බොස්නියානු භාණ්ඩ සඳහා සියයට 30ක් ද, ඉන්දුනීසියාව සඳහා සියයට 32ක බද්දක් ද අය කෙරෙනවා.
බංග්ලාදේශය සහ සර්බියාව යන රටවල් දෙකට සියයට 35ක් ද, කාම්බෝජය සහ තායිලන්තය සඳහා සියයට 36ක් ලෙසයි තීරු බදු පනවා ඇත්තේ.
තවද, ලාඕසයෙන් සහ මියන්මාරයෙන් ආනයනය කරන භාණ්ඩ සඳහා සියයට 40ක බද්දක් අය කිරීමට නියමිතයි.
මේ අතර ට්රම්ප් පරිපාලනය විසින් ඉදිරි පැය 48 ඇතුළත ජාත්යන්තර වෙළෙඳ ප්රතිපත්ති සහ ආර්ථික කටයුතුවලට අදාළ වැදගත් නිවේදන කිහිපයක් සිදුකිරීමට නියමිත බව අමෙරිකානු භාණ්ඩාර ලේකම් ස්කොට් බෙසන්ට් ප්රකාශ කර තිබේ.
